У ААТ «Беларуськалій» стала традыцыяй арганізоўваць адмысловае прывітанне для маладых спецыялістаў, якія прыходзяць на сваё першае працоўнае месца. Маладзёжны форум становіцца для новых супрацоўнікаў першым крокам у прафесійнай кар'еры. Мерапрыемства ўключае некалькі этапаў, першы з якіх — сустрэча з кіраўніцтвам кампаніі.
23 верасня адбылася сустрэча вышэйшага кіраўніцтва ААТ «Беларуськалій» з маладымі спецыялістамі. Вітаючы новых супрацоўнікаў, генеральны дырэктар Андрэй Рыбакоў адзначыў значны ўплыў кампаніі на сусветны рынак угнаенняў і падкрэсліў высокі ўзровень прафесійнай адказнасці, якая патрабуецца ад кожнага работніка. Ён заклікаў іх імкнуцца да самарэалізацыі, прымяняць свае веды для вырашэння вытворчых задач і праяўляць ініцыятыву.
Маладым спецыялістам прапанавалі максімальна выкарыстоўваць даступныя магчымасці і актыўна ўключацца ў жыццё кампаніі, прапаноўваючы новыя ідэі. «Спадзяюся, што кожны з вас знойдзе сваё месца ў камандзе ААТ "Беларуськалій", — сказаў ён. — І ў будучыні, спадзяюся, вы перададзіце набыты вопыт наступнаму пакаленню маладых спецыялістаў — гэтак жа, як гэта адбываецца сёння з вамі».
Ірына Пышняк, начальнік iдэалагiчнага аддзела, прадставіла сацыяльны партрэт калектыву, а таксама расказала пра кампанію, сацыяльны пакет, карпаратыўныя праекты і традыцыі калійных вытворцаў: «І дзяржава, і кампанія ўкладваюць сродкі ў моладзь. Цяпер — ваш час. Поспехаў вам на гэтым шляху!»
← К списку новостей